Maratonomakët e Zharrzës mbërrijnë në Tiranë (Video)

Banoret e Zharrzës mbërrijnë në Tiranë. Do te protestojne para Ministrise se Energjitikes

Dhjetra banorë të fshatit Zharrës të nisur në këmbë tre ditë më parë, kanë mbërritur mesditën e së shtunës në Tiranë. Gjatë 126 kilometrave të përshkuara, ata kanë marrë mbështetjen e mijra qytetarëve në zonat ku kanë kaluar.

Disa qindra kryeqytetas i pritën ata edhe në hyrje të Tiranës e të tjerë u bashkuan përpara Ministrisë së Energjitikës, aty ku do të ndalojnë deri në plotësimin e kërkesave të tyre për dëmshpërblim.

Për 19 ditë ata zhvilluan një grevë e urie, që nuk arriti të tërhiqte vëmendjen e strukturave shtetërore. Banorët e Zharrëzs thonë se u janë shkatërruar shtëpitë nga lëkundjet e tokës të shkaktuara nga metodat e nxjerrjes së naftës nga kompania Bankers Petroleum.

Protestës së banorëve të Zharrës i është bashkuar për disa momente edhe kryetari i Partisë Demokratike, Lulzim Basha. Pavarësisht thirrjes së protestuesve për tu larguar ai ka shkuar të flasë me disa prej tyre, por ndërpritej në çdo moment kur përpiqej të mbante fjalim.

Banorët e Zharrës kanë deklaruar se do të qendrojnë para ministrisë deri në plotësimin e kërkesave të tyre dhe u kanë bërë thirrje qytetarëve të Tiranës të bashkohen në protestën e tyre.

 

Autor: Amarildo Topi

Leave a Reply

%d bloggers like this: