Titujt e fundit

Portat që marrin jetë njerëzish

Citizens Channel Albania Tirana Aksidente

Tragjedia e pak ditëve më parë ku një 6-vjeçar në Dibër humbi jetën duke luajtur me portën e hekurit, duket se nuk është e para por as edhe e fundit nëse nuk merren masa për shmangien e kësaj problematike të shtrirë në vite.

Kësaj here thirrja sensibilizuese bëhet nga shefi i departamentit të Neurokirurgjisë në spitalin Universitar të Traumës, dr.Fatos Olldashi. I kontaktuar nga Citizens Channel, dr.Olldashi thotë se ndjen shumë keqardhje për humbjen e jetës së djalit të vogël dhe se ndjen detyrimin për ta bërë publik këtë problem.  

“Në spital paraqiten rreth 10-15 raste në vit. Dëmtimet janë kryesisht të shtyllës kurrizore pasi pesha e portës bën “palosje” të trupit. Këto porta hekuri me shinë, kanë një mekanizëm që nuk janë të fiksuara mirë në pjesën e sipërme dhe janë shumë të lehta për të dalë nga shinat”, thekson shefi i neurokirurgjisë.

Duke i cilësuar këto dëmtime shumë serioze, që rrezikojnë jetën e pacientit ose që mund ta bëjnë atë invalid të përhershëm, një tjetër e dhënë shqetësuese është grupmosha e pacientëve. “Në spital paraqiten kryesisht fëmijët. Kjo, ngaqë nuk kanë mundësi që të përballojnë peshën e madhe të portës. Por ka edhe të rritur që në pozicione të caktuara nuk janë në gjendje të mbrohen nga kjo peshë”, evidenton dr.Olldashi.

Mjeku Fatos Olldashi Citizens Channel

Shefi i Departamentit të Neurokirurgjisë në spitalin Universitar të Traumës, dr.Fatos Olldashi. Foto: Private

Ai ka edhe një thirrje për të gjithë prodhuesit e këtyre portave. “Këto porta duhet të bëhen nga specialistë të certifikuar. Firmat që i ndërtojnë duhet të kenë inxhinierë dhe arkitektë që janë në gjendje të llogarisin peshat dhe masat mbrojtëse.”

Problematikë disa-vjeçare

Rasti më i fundit i tragjedive që shkaktojnë portat e hekurit ishte ai i datës 6 gusht të këtij viti në fshatin Blliçë të Dibrës. 6-vjeçari me inicialet A.S. kishte shkuar në shtëpinë e dajës së tij dhe ka qenë duke luajtur tek porta, në momentin kur ajo ka dalë nga shinat dhe i ka rënë në kokë, duke i shkaktuar vdekjen.

Thuajse një rast i ngjashëm u shënua në fshatin Duhanas të Beratit tre vite më parë, kur një 5-vjeçar humbi jetën në shtëpinë e tij. I ati ishte duke kryer punime në oborrin e shtëpisë, kur porta e hekurit u shkëput dhe zuri poshtë fëmijën, i cili nuk mundi t’u shpëtojë plagëve të marra.

Në tetorin e një viti më parë, roja e një mobilierie në Shkozet të Durrësit humbi jetën pasi i ra sipër porta e hekurit të punës. 52-vjeçari A.Ç mësohet se gjeti vdekjen e menjëhershme.

Autor: El.El / Citizens Channel

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: