Burimi: The Guardian | Autore: Sarah Marsh
Një përmbledhje e zhvillimeve më të mëdha në shpërthimin e koronavirusit në mbarë botën.
Vdekjet në rang botëror nga Covid 19 kalojnë shifrën 83.000
Sipas statistikave të universitetit “Johns Hopkins” numri i vdekjeve në mbarë botën si pasojë e pandemisë COVID-19, ka mbërritur në mbi 83.000 persona që nga shpërthimi i koronavirusit në fund të vitit 2019.
Baza e kërkimeve në Maryland ka nisur plotësimin e statistikave që nga koha kur u raportua rasti i parë në Kinë, para 97 ditëve, konkretisht më 31 Dhjetor.
Italia kryeson listën, si vendi me më shume viktima (16,523), e ndjekur nga Spanja (13,798), SHBA është vendi i tretë më i prekur me 10,993 viktima , ku 3,485 persona kanë ndërruar jetë vetëm në New York.
Japonia shpall gjendjen e emergjencës
Kryeministri japonez Shinzo Abe ka shpallur gjendjen e emergjencës në luftën me koronavirusin në qendrat më të mëdha të banuara. Ai gjithashtu prezantoi një paketë që e cilësoi si më stimuluesen në botë për zbutjen e vëshitësive ekonomike. Abe e shpalli gjendjen e emergjencës me kryqytetin e Tokios dhe gjashtë prefektura të tjera, zona që përfshijnë në total rreth 44% të popullsisë, për një afat rreth një muaj.
“Kemi vendosur të shpallim gjendjen e emergjencës sepse gjykojmë se një shpërndarje e shpejtë e virusit në të gjithë vendin do të kishte një impakt të madh në jetën dhe ekonominë tonë”, u shpreh ai për parlamentin.
Disa qytete në Francë shpallin të detyrueshëm përdorimin e maskave
Në disa qytete franceze përfshirë Nisën u deklarua se parashikohet që përdorimin i maskave të bëhet i detyrueshëm për njerëzit kur ndodhen jashtë shtëpive. Kryetari i Bashkisë së Nisës, kryeqyteti i rivierës franceze u shpreh se të gjithë banorët e qytetit do të marrin një maskë brenda 10 ditëve, e cila mund të ripërdoret deri në një muaj. Kana dhe qytete të tjera po ndjekin të njëjtin shembull madje edhe Parisi po e konisderon këtë rregull.
Autoritetet franceze i kanë shtrënguar masat e karantinës në kryeqytet duke i ndaluar parizienët që të ushtrojnë aktivitete sportive nga ora 10 e mëngjesit deri 7 të mbrëmjes me qëllim uljen e përhapjes së koronavirusit.
Kryeministri anglez Boris Johnson në terapi intensive
Kryeministri anglez po merr kujdesin mjekësor në terapi intensive prej dy ditësh, pasi simptomat e tij po përkeqësoheshin. Presidenti Donald Trump i dedikoi dje disa fjalë kryeministrit Johnson në mbledhjen e përditshme të Shtëpisë së Bardhë: “Kam zbuluar se ai është një person fantastik, një zotëri i zgjuar dhe i dashur. Ju mund ta shikoni sa e do ai vendin e tij, sa ka luftuar për vendin e tij. Por terapia intensive është goxha vështirësi, goxha”.
Në mungesë të figurës së kryeministrit, sekretari i jashtëm Dominic Raab po drejton vendin.
Rritje e lehtë në shifrat e viktimave në Spanjë
Kurba e vdekjeve nga koronavirusi në Spanjë pati një rritje të lehtë të martën, për herë të parë pas pesë ditësh, duke shënuar 743 viktima brenda një nate dhe duke e çuar totalin e jetëve të humbura në 13.798. Kjo krahasuar me 637 persona që ndërruan jete një ditë më parë në vendin i cili qëndron i dyti në listë për nga numri i vdekjeve gjatë kësaj pandemie.
Shifra totale arriti në 140.510 viktima sot në të gjithë globin.
Rënie e rasteve të reja në Kinë
Kina ka shënuar një ulje në rregjistrimin e rasteve të reja të koronavirusit pasi mbylli kufijtë me të huajt për të ndaluar hyrjen e të prekurve.
Qendra e Wuhanit, qyteti nga ku nisi epidemia, për herë të parë që nga fundi i dhjetorit nuk ka shënuar asnjë viktimë. Kina kishte 32 raste të reja të konfirmuara të hënën, nga 39 që shënonte një ditë më parë sipas të dhënave nga komisioni i shëndetësisë. Të 32 rastet përfshijnë persona që kanë ardhur nga jashtë.
Në total rastet e të infektuarëve të mbërritur nga jashtë janë 983 sipas autoriteteve zyrtare.
Shqipëria dhe rajoni
Të dhënat nga Universiteti “Johns Hopkins” tregojnë se Serbia shënon numrin më të lartë të personave që kanë humbur jetën si pasojë e COVID 19 me 61 viktima, e ndjekur nga Bosnja Hercegovina ku deri tani janë raportuar 33 viktima. Shqipëria qëndron në vendin e katërt, 22 viktima, Kosova me 5 viktima dhe i fundit në listë Mal i Zi i cili raporton 2 persona të humbur gjatë pandemisë.
E njëjta renditje vlen edhe për numrin e personave të infektuar në shtetet e Ballkanit Perëndimor.
