Pas 32 vitesh Tirana është zbardhur nga reshjet e dendura të dëborës që ranë mbrëmjen e 11 janarit. Pavarësisht orës së vonë kryeqytetas të të gjithë moshave dolën në rrugët e qytetit për të luajtur me dëborën.
Për shkak të temperaturave të ulëta Tirana është zgjuar e bardhë edhe mëngjesin e sotëm (12.01). Hera e fundit që Tirana ishte mbuluar nga dëbora ishte viti 1985.
Reporteri i Citizens Channel Amarildo Topi sjell një galeri me fotografi me këtë fenomen natyror të rrallë për Tiranën.
