Citizens Channel me mbështetjen e Fondacionit Friedrich Ebert fton të gjithë gazetarët e rinj dhe studentët e gazetarisë në një trajnim një ditor me temë ” Op-Eds dhe metodat e kërkimit” në datën 20 shtator 2018.
Op-Ed (Editorial i Hapur) është një zhanër i veçantë gazetarie që i lejon autorëve të ndikojnë në opinionin publik për çështje me rëndësi. Përmes Op-Eds (editorialeve të hapura) autorët shprehin në median e shkruar opinione që janë zakonisht jo konform linjës editoriale të botimit ku publikohen.
Pjesëmarrësit do të kenë mundësi të zgjerojnë njohuritë mbi çështje që prekin etikën e gazetarisë, metodat e kërkimit dhe marrëdhënien me burimet e informacionit.
Plotëso formularin më poshtë për tu regjistruar si pjesëmarrës/e ne trajnim:
https://docs.google.com/forms/d/e/1FAIpQLSc0lr0GEkwHjgOJz732_eV7bbEDAGXa6OiiSmtSKGjgOBQhFw/viewform
Më shumë informacione mbi trajnimin: “Op-Eds dhe Metodat e Kërkimit”:
Trajnimi do të mbahet ditën e enjte, 20 Shtator 2018 në Tiranë dhe do të ndahet në katër sesione kryesore:
1. Etika dhe standardet e gazetarisë në kohën e “fake news”
Në këtë sesion do të flitet mbi dallimin e fakteve nga opinionet duke zhvilluar më tej një diskutim mbi elementët e një debati të mirë.
2. Arti i të shkruarit op-eds dhe editoriale
Ky sesion do të ndihmojë studentët dhe gazetarët e rinj në kërkimin e tezave të forta dhe ndërtimin e argumenteve cilësorë. Më tej do të trajtohet gjetja e balancës midis opinioneve dhe fakteve në një shkrim, duke u mbyllur me një përshkrim të llojeve të ndryshme të Editorialeve të Hapura
3. Arti i redaktimit të Editorialeve:
Ky sesion do t’i përgjigjet pyetjes: “Si të përmirësosh një tekst qe nuk e kemi shkruar ne?
4. Kërkimi dhe burimet e informacionit:
Si të nxjerrim informacion të vlefshëm nga burime të ndryshme. Si t’i përqasemi institucioneve dhe si të ndërtojmë një rrjet të konsoliduar dhe të besueshëm burimesh.
Informacione mbi trajneren:
Joanna Itzek është redaktore e @IPGJournal, një revistë prestigjioze online me qendër në Berlin e fokusuar në debatet mbi politikën e jashtme dhe marrëdhëniet ndërkombëtare. Ajo është pjesë e Departamentit të Analizave të Politikave Ndërkombëtare pranë Fondacionit Friedrich Ebert (FES) në Berlin. Përpara se të bashkohej me FES, Joanna ka punuar si Drejtuese Editoriale tek “N-Host”, një rrejt ndërkombëtar raportimi për Evropën Lindore. Joanna ka punuar më parë si redaktore dhe korrespondente për media gjermane duke raportuar nga Lindja e Mesme dhe Evropa Veriore. Ajo mban leksione/ trajnime mbi gazetarinë për institucione të ndryshme si Shkolla Ndërkombëtare e Biznesit në Amsterdam.
(Më shumë detaje për axhendën dhe trajnimin do të publikohen pas përfundimi të procesit të regjistrimit)
Raporto
