“Në 17:30 duartrokasim së bashku”, ishte thirrja që ju bë shqiptarëve përmes një postimi në rrjetet sociale të emisionit dedikuar shëndetësisë në Top Channel “Hipokrati” .
Ndërkohë që vendi po kalon një situatë të vështirë karantinimi, qytetarët u përgjigjën nga ballkonet e tyre duke përshëndetur me një duartrokitje mjekët, infermierët, farmacistët dhe këdo që gjendet në vijën e parë të frontit në luftën kundër virusit Covid-19.
Numri i personave të prekur arriti sot në 38, mes tyre një e moshuar që ka humbur jetën. Masat ekstreme përfshijnë mbylljen e kufijve me të gjitha shtetet fqinjë nga sot në mesnatë, ndalimin e lëvizjes me automjete brenda në qyet dhe jashtë qyteteve si edhe pezullimin e aktiviteteve tregtare jo të domosdoshme.
Qytetarët që po qëndrojnë prej ditësh në shtëpi dhanë një mesazh kurajoje dhe mbështetjeje për ata që ndryshe nga profesioni i detyron të përballen me virusin.
Video: Durartrokitjet dhe mesazhe në mbështetje të mjekëve dhe infermierëve
Një duartrokitje e madhe nga ballkonet në solidaritet me mjekët, infermierët, oficerët e policisë dhe të gjithë ata që u shërbejnë qytetarëve në këtë kohë, është mesazhi që shpërndan faqja IntoAlbania në Twitter
Citizens of #Tirana!
A big #applause from the balconies in solidarity with doctors, nurses, police officers and all who serve the citizens in this #coronavirus time 🦠
IntoAlbania thanks everyone for their sacrifice. #IntoAlbania #COVIDー19 #COVID19 #albania pic.twitter.com/78JXl5YX3P
— IntoAlbania (@intoalbania) March 14, 2020
Qytetarët e #Tiranës nderuan sot # 14March në 17:30 👏, mijëra mjekë dhe infermierë që luftojnë per jeten – është mesazhi që shoqëron videon e postuar nga pedagogia Ana Kekezi në Twitter
❤️The citizens of #Tirana honored today #14March at 17:30 👏, thousands of doctors and nurses fighting 4 #Life #COVIDー19 #Albania pic.twitter.com/VrMfGTGmcg
— Ana Kekezi (@AnaKekezi) March 14, 2020
Në Shqipëri, qytetarët bashkohen me nismën “Një duartrokitje e madhe për mjekët dhe infermierët” në vijën e parë të luftës kundër #koronavirus, është mesazhi që ndan një tjetër qytetar bashkë me një video të duartrokitjeve nga Tirana.
LIVE ➖ In #Albania, #Tirana citizens joins the initiative “A big Applause for Doctors and Nurses” on the front line of the fight against #coronavirus. 👏👏
➖#COVID19 #stayathome #CoronaOutbreak #lockdown #coronapocalypse #COVIDー19 pic.twitter.com/3Oa3ifnkS9— Xhildinho Z (@xhildinho) March 14, 2020
“Magjike, qytetarët i bashkohen thirrjes së “Hipokratit”, dalin në ballkon për të duartrokitur mjekët”, e përshkruan Top Channel videon e postuar:
